Sot në orët e para të mëngjesit, Kryetari i Komunës së Podujevës, Shpejtim Bulliqi, vizitoi Klinikën Intenzive të QKUK-së, ku është duke u trajtuar M.B., një vajzë 12-vjeçare nga Podujeva, e cila, së bashku me motrën e saj 15-vjeçare L.B. dhe dy persona të tjerë, u përballën me një ngjarje të rëndë në Ferizaj. Të katërt u sulmuan me thikë nga një person tjetër, dhe M.B. pësoi lëndime të rënda. Fatmirësisht, gjendja e saj shëndetësore ka filluar të stabilizohet.
Motrat M.B. dhe L.B., që i përkasin komunitetit ashkali, janë nga Podujeva, dhe për këtë rast, Kryetari Bulliqi ka premtuar ofrimin e ndihmës financiare për mbulimin e shpenzimeve të familjes.
Kryetari Bulliqi uroi shërim të shpejtë për të gjithë të lënduarit nga kjo ngjarje tragjike dhe shprehu dëshirën që raste të tilla të mos përsëriten kurrë.
