Universiteti i Gjilanit “Kadri Zeka” në një përgjigje për Paparacin ka konfirmuar angazhimin e Sadri Ramabajës, duke konfirmuar kështu se, tani profesori, është angazhuar pa konkurs. Universiteti është arsyetuar se për shkak të dinamikave nuk ka pasur kohë për rishpallje të konkursit, raporton paparaci..
Punësimi i Ramabajës në universitetin publik, rektor i të cilit vitin e kaluar u emërua një tjetër eksponent i afërt i Lëvizjes Vetëvendosje, Artan Dërmaku.
Të enjten, Universiteti i Gjilanit ka kthyer përgjigje, duke sqaruar mënyrën e angazhimit të analistit politik si profesor.
Universiteti i Gjilanit ka sqaruar se angazhimi i Ramabajës ishte bërë për shkak të një vendi të lirë.
“Ramabaja është angazhuar në Universitet konform Statututit te Universitetit “Kadri Zeka”, neni 72 dhe neni 76, si dhe Rregulloren e miratuar nga Senati i Universitetit Publik “Kadri Zeka” Gjilan, “Mbi procedurat e angazhimit të bashkëpunëtorëve të jashtëm – me honorar në Universitetin Publik ‘Kadri Zeka’ Gjilan” (Ref. Nr. 01/1473, dt. 09.07.2021), konkretisht Nenin 5, i cili përcakton se (citim): ‘Ne rastet kur, për arsye të ndryshme që mund të ndodhin, pasi të ketë filluar semestri, mbetet vakante ndonjë pozitë (lëndë) që nuk mund të mbulohet me stafin e rregullt ose stafin e angazhuar sipas konkursit, atëherë me një arsyetim të bazuar të Dekanit, Rektori vendos që të bëjë angazhim të stafit të jashtëm, i cili përmbush kriteret e domosdoshme sipas kësaj rregullore’”, thuhet në përgjigjen e Universitetit të Gjilanit.
