Sot përkujtohet lindja e Liderit të Paqes, Presidentit Historik, Dr. Ibrahim Rugova
Më 2 dhjetor 1944 lindi Dr. Ibrahim Rugova, lideri që me vizionin dhe urtësinë e tij i dha formë rrugëtimit historik të Kosovës drejt lirisë, pavarësisë dhe demokracisë.
I njohur si Arkitekti i Republikës dhe Ati Themelues i Kosovës moderne, Rugova ndërtoi një rezistencë aktive paqësore që tërhoqi vëmendjen dhe mbështetjen e botës për çështjen e Kosovës. Ai udhëhoqi në kohët më të vështira me sinqeritet, durim dhe vendosmëri, duke krijuar miqësi të fuqishme ndërkombëtare që e mbështetën rrugëtimin e Kosovës drejt lirisë.
Përkushtimi i tij ndaj paqes dhe mirëkuptimit, si dhe vizioni i tij për një Kosovë të lirë dhe demokratike, do të mbeten përherë në kujtesën e kombit. Dr. Ibrahim Rugova do të kujtohet gjithmonë si një lider që i shërbeu vendit me urtësi, besnikëri dhe dashuri të pakufishme.
Postimi i plotë:
Më 2 dhjetor të vitit 1944, lindi Lideri i Paqes, Prijësi ynë, Arkitekti i Republikës, Presidenti Historik, Dr. Ibrahim Rugova.
Gjithë jetën e tij punoi për paqe. E me paqe e durim punoi fort në politikë, ndërtoi Rezistencën Aktive Paqësore, përmes së cilës arriti ta ndërkombëtarizoj çështjen e Kosovës.
Me një politikë të urtë e të mençur, ndërtoi miqësi gjithandej botës, të cilat e kuptuan qartë dhe e mbështetën plotësisht në rrugëtimin drejt lirisë.
Me sinqeritet, urti, besnikëri e durim arriti t’i prijë vendit në ditët më të vështira dhe t’i jap rrugën e drejtë e të duhur.
Si i tillë, Ati themeltar i Kosovës së lirë, të pavarur e demokratike do të kujtohet përherë.
