Analisti politik Ilir Deda ka thënë se vendimi për të mos e certifikuar Listën Serbe në Komisionin Qendror të Zgjedhjeve (KQZ), megjithëse mund të ketë qenë i pavetëdijshëm, gjithsesi mund të kontribuoj në forcimin e pozicionit të Listës Serbe mes popullatës serbe, sidomos para zgjedhjeve.
“Kryeministri tha se nuk e shohim Listën Serbe që është organizatë terroriste. Këtë unë e kam parë si një lloj… herën e kaluar kur kemi diskutuar për këtë subjekt, njëjtën unë po e shoh, ndoshta pa vetëdijshëm, por është prapë veprim që e forcon Listën Serbe te popullata serbe në prag të zgjedhjeve”.
“Popullata serbe në Kosovë, këtë qeveri e sheh shumë larg, dhe është shumë negative ndaj qeverisë së Kosovës. Në sytë e tyre, Lista Serbe vetëm mundet me u forcu, sepse po e godet një qeveri të cilën edhe ashtu këta nuk po e donë. Ne të gjithë e dimë se Lista Serbe do të marrë pjesë në zgjedhje, sepse nuk ka ligj i cili mund ta përjashtojë nga zgjedhjet e 9 shkurtit”, deklaroi Deda gjatë një interviste në Rubikon të Klan Kosovës.
