ADVERTISEMENT
Valbona Ibishi – Azemi është emëruar Drejtoreshë e Administratës në Komunën e Podujevës.
Drejtoresha Ibishi – Azemi i ka mbaruar studimet Bachelor në Universitetin “Dardania”- drejtimi Juridik dhe gjithashtu edhe për Gjuhë angleze dhe letërsi amerikane në të njëjtin Universitet. Ajo i ka përfunduar edhe studimet postdiplomike – Master për gjuhë angleze dhe letërsi amerikane.
Që nga viti 2010 ajo punën si mësimdhënëse e gjuhës angleze në Shkollën Fillore dhe të Mesme të Ulët “Zahir Pajaziti” në Orllan.
Valbona Ibishi – Azemi ka ndjekur edhe shumë trajnime për mësimdhënie si EDP, BEP, Forcimi i kapaciteteve në udhëheqjen efektive të dialogut social, edukimi medial dhe roli i tij në zhvillimin shoqëror dhe demokratik, etj. dhe ka licencën e mësimdhënësit dhe atë të karrierës nga MASHTI.
Kryetari i Komunës, Shpejtim Bulliqi e ka uruar për detyrën Ibishi-Azemin dhe i ka dëshiruar suksese në kryerjen e detyrave dhe përgjegjësive të saj në Drejtorinë e Administratës.
13.01.2025, Podujevë
Zyra për Marrëdhënie me Publikun dhe Informim
