ADVERTISEMENT
Ministrja në detyrë për Punë të Jashtme dhe Diasporë, Donika Gërvalla, ndodhet në Luksemburg ku po merr pjesë në një darkë pune me homologët e saj nga vendet anëtare të Bashkimit Evropian dhe ato të Ballkanit Perëndimor, shkruan Gazeta Sinjali.
Kjo ngjarje organizohet në kuadër të takimeve të Këshillit të Punëve të Jashtme të BE-së dhe ka në fokus bashkëpunimin rajonal dhe procesin e zgjerimit të Bashkimit Evropian.
Ky takim joformal është organizuar me ftesë të Përfaqësueses së Lartë të BE-së për Punët e Jashtme dhe Politikën e Sigurisë, znj. Kaja Kallas, dhe synon të ofrojë një platformë për një shkëmbim të hapur dhe të drejtpërdrejtë mes shefave të diplomacisë së vendeve të BE-së dhe atyre të rajonit”, thuhet në njoftimin për media të lëshuar nga MPJD-ja.
