Podujevë, 23 qershor 2025 – Në kuadër të zhvillimit të turizmit lokal, Drejtoria e Planifikimit dhe Zhvillimit Ekonomik ka nisur projektin për rregullimin e një hapësire publike në fshatin Kërpimeh.
Zona në fjalë, e cila më parë ishte e mbushur me objekte të vjetra dhe të rrezikshme për kalimtarët, është duke u transformuar në një park funksional në shërbim të banorëve dhe vizitorëve të zonës.
Ky projekt përfshin:
- Pastrimin dhe largimin e objekteve ekzistuese,
- Mbjelljen e drunjve dekorativë dhe pishave,
- Vendosjen e ulëseve për pushim dhe shporta për mbeturina.
Qëllimi i projektit është që kjo hapësirë të shndërrohet në një ambient të sigurt, të pastër dhe tërheqës për komunitetin lokal dhe vizitorët.
ADVERTISEMENT
Punimet në terren janë përcjellë nga afër nga drejtori i Drejtorisë së Planifikimit dhe Zhvillimit Ekonomik, z. Vigan Salihu.
