Drama “ARTISTI NË TAVAN”
Prezantohet në Festivalin “AKTORI I EUROPES”
në Resen | Prespë Maqedonia e Veriut | me 8 korrik 2025
Vetmia e aktorit në jetën e personazheve!
Mondrama streha e vetmisë së përmbajtëshme e përshfaq më së miri karakterin, mentalitetin metafiziken e fiziken në raportin aktor – personazh duke na bind se nuk ka Teatër pa aktor, i cili në monodramë është i tëri me personazhin në përpjekje për të gjetur të vërtetën, e fshehur në kutinë e zezë shpirtit, e cila ngre kokë herë përmes aktorit e herë përmes personazhit në pritje të kohës se kur duhet bërë apo mos bërë diçka.
A e mësoi aktori vdekjen prej personazhit, apo personazhi e gjeti jetën te aktori derisa që të dy bashkëveprojnë në jetëvdekje duke shpërfaq para spektatorëve kuptimin e shikimit, fjalën, ngjyrën e tingullit, intinimin, domethënien e gjestit, ecjen e shtrembër në vertikale drejtë një të vërtete e cila pranohet si e tillë vetëm kur nuk e obligon aske sepse “nuk dihet” a është e vërtetë e aktorit apo personazhit por që domosdo është e ambalazhuar me ndjenja që shkaktojnë emocione për të mbërri tek ajo e vërteta që quhet ART.
Andaj monodrama si zhanër i vështirë për t’u shkruar e për t’u bërë ngjarje teatrore e ka gjetë sheshin e matjes me vehten në Teatër.
Të gjitha këto dilema dhe shumëçka tjetër në raportin kosmik aktor – personazh i bluan me interpretim artistik aktori Ismet Azemi në dramën “Artisti në tavan” në të cilen lufta për të ekzistuar apo jetuar përveç fatit të artistit prek fatin e njeriut gjatë luftës në Kosovë në vitin1999.
***
Me këtë shfaqje e kujtojmë
mikun e paharrueshëm Artistin Haqif Mulliqi,
*
Shfaqja “Artisti në tavan” do të prezentohet në Festivalin”Aktori i Europes” në Resen | Prespë të Maqedonisë së Veriut më datën 8 korrik 2025.
*
Realizimin e shfaqjes e ka mbështetur MKRS – Republika e Kosovës
Pjesëmarrjen në Festival e ka mbështetur DKRS Komuna e Podujvës
