ADVERTISEMENT
Nënkryetarja e Komunës, znj. Marigona Lahu, mori pjesë në ceremoninë përmbyllëse të fazës së dytë të projektit “Fuqizimi i Grave nga Komunitetet e Margjinalizuara me Aftësi Ndërmarrëse dhe Profesionale”, të implementuar nga Fondacioni Jahjaga në partneritet me Zyrën e Misionit të Kombeve të Bashkuara në Kosovë.
Nga Komuna e Podujevës, 10 gra përfituan nga ky program përmes trajnimeve profesionale në rrobaqepësi dhe floktari, duke u certifikuar në këto fusha.
Në fjalën e saj, nënkryetarja Lahu vlerësoi rëndësinë e përfshirjes aktive të grave në tregun e punës dhe theksoi angazhimin e komunës për mbështetjen e projekteve që kontribuojnë në fuqizimin e tyre të mëtejshëm.
Komuna e Podujevës falënderon Fondacionin Jahjaga dhe të gjithë partnerët për këtë bashkëpunim në dobi të grave dhe vajzave.
