Një aksident i rëndë automobilistik ndodhi dje afër Liqenit të Livoqit në Gjilan, ku një grua humbi jetën dhe të paktën tre persona të tjerë mbetën të plagosur.
Policia njoftoi se aksidenti përfshiu dy vetura udhëtare në përplasje direkte. Viktima, një pasagjere në njërën nga automjetet, u dërgua me urgjencë në Qendrën Klinike Universitare të Kosovës (QKUK), ku fatkeqësisht nuk mbijetoi.
“Është raportuar se ka ndodhur aksident në komunikacion rrugor në mes të dy veturave udhëtarësh me targa vendore dhe drejtues meshkuj kosovarë. Si pasojë e aksidentit lëndime trupore kanë pësuar dy drejtuesit e veturave dhe dy pasagjerë të cilët kanë marrë ndihmë mjekësore në QE Gjilan. Për shkak të lëndimeve të rënda drejtuesi i njërës veturë dhe pasagjerja femër kosovare janë dërguar në QKUK, ku si pasojë e plagëve të marra pasagjerja ka ndërruar jetë. Me urdhër të prokurorit trupi i pajetë është dërguar në IML për obduksion”, thuhet në raportin e policisë.
