Liberalizimi i tregut energjetik në Kosovë po shoqërohet me rritje të interesimit nga konsumatorët komercialë për të zgjedhur furnizuesin e tyre të energjisë, me fokus në shërbime të besueshme dhe fleksibile.
Në këtë kontekst, KESCO po shihet si një nga operatorët kryesorë që ofron zgjidhje të dedikuara për bizneset që kanë kaluar në tregun e hapur të energjisë.
Zëdhënësja e KESCO-s, Margarita Rashiti, thotë se përvoja shumëvjeçare dhe prania e gjerë në treg kanë ndikuar drejtpërdrejt në forcimin e besimit te konsumatorët.
Sipas saj, KESCO aktualisht furnizon mbi 730 mijë konsumatorë në nivel vendi, gjë që e lehtëson ndjeshëm procesin e bashkëpunimit edhe me klientët që tashmë janë pjesë e tregut të hapur dhe zgjedhin këtë kompani si furnizues të tyre./Indeksonline/
