Një vjedhje e rëndë është raportuar mbrëmë në rrugën “Xhemajl Mustafa” në Podujevë, në afërsi të lagjes “Shqiptarët për Shqiptarët”, ku autorët kanë hyrë me forcë në dy hyrje të një shtëpie dhe kanë marrë një shumë të madhe parash dhe bizhuteri.
Burime të Sinjalit bëjnë të ditur se ankuesja P.B. rreth 33-vjeçare dhe dëshmitarja F.Z. rreth 48-vjeçare kanë deklaruar se në njërën hyrje autorët kanë dëmtuar dyer dhe kanë marrë rreth 40 mijë funta, që i përkisnin F. Zejnullahut, si dhe stoli ari me vlerë rreth 3 mijë euro.
Në hyrjen tjetër, nga shtëpia janë marrë një orë dore e markës Davosa (vlera e së cilës nuk dihet), rreth 800 euro para të gatshme dhe stoli ari me vlerë rreth 1 mijë euro.
Njësia e hetimeve ka nisur punën për zbardhjen e rastit, ndërsa Prokurori kujdestar ka urdhëruar inicimin e procedurës për veprën penale “Vjedhje e rëndë”. Autoritetet po hetojnë edhe mbi vlerën e saktë të shumës së parave të përmendura, për të cilat dëshmitë pritet të sigurohen në ditët në vijim.
