Gjatë një koncerti në Mexico City fundjavën e kaluar, këngëtari i njohur kolumbian Maluma ndaloi performancën për t’u drejtuar një nëne në publik që kishte sjellë me vete një foshnjë rreth njëvjeçare, por pa mbrojtëse për veshët.
Në një video që po qarkullon në rrjet, Maluma pyeti fillimisht për moshën e fëmijës dhe më pas i bëri një vërejtje serioze:
“A mendon se është e duhura të marrësh një foshnjë njëvjeçare në një koncert me muzikë kaq të zhurmshme? Fëmija nuk e kupton se çfarë po ndodh këtu. Herën tjetër, mbroji veshët ose vepro ndryshe, sepse kjo është përgjegjësi e madhe.”
Duke folur nga përvoja e tij si baba, Maluma shtoi: “Po e lëviz si lodër. Fëmija nuk do të mbahet mend këtu, për të qenë i sinqertë. Ta them me gjithë respekt… tani që jam baba, nuk do të çoja kurrë vajzën time në një koncert. Herën tjetër, ji më e kujdesshme.”
Maluma, i cili ka një vajzë njëvjeçare të quajtur Paris, u përkrah fuqishëm nga publiku për fjalët e tij.
