Protesta të reja të mëdha janë paralajmëruar sonte në rrugët e Serbisë, në të gjitha qytetet kryesore.
Banorët e Beogradit po mblidhen sonte në tri lokacione – pranë Shtabit të Përgjithshëm në Nemanjina, në rreth-rrotullimin pranë GO Novi Beograd dhe tek Autokomanda.
Në GO Novi Beograd, qytetarët filluan të mblidheshin, dhe një grup më i madh njerëzish nga Zemuni mbërriti gjithashtu.
Mbështetësit e partisë së Vuçiq po mblidhen tashmë para ambienteve të partisë në qendër të Vërbasit, një orë para protestës së thirrur nga shoqata Zëri i Studentëve Vërbas.
Nuk ka policë të uniformuar në qendër të qytetit. Pesë qytetarë nga Vërbasi që ishin dje në protestë, u arrestuan gjatë ditës
Qendra e Beogradit për të Drejtat e Njeriut ka akuzuar policinë se ka mbrojtur vetëm anëtarët e partisë së Vuçiq gjatë protestave të fundit në Serbi, ndërsa ka lënë protestuesit antiqeveritarë pa mbrojtje.
Ata përmendin protestën paqësore në Vërbas më 12 gusht, kur aktivistët e SNS-së hodhën fishekzjarrë, shishe dhe tulla drejt turmës, ndërsa policia mbeti pasive.
Për shkak të kësaj, ata kanë ngritur padi penale kundër disa oficerëve të panjohur të policisë, duke pretenduar se ky ishte një akt kriminal.
Qendra deklaron se policia veproi gjithashtu në mënyrë të njëanshme gjatë protestave të mbrëmshme në disa qytete, dhe se trajtimi mizor i qytetarëve është regjistruar në video.
Trazirat shpërthyen mbrëmë në Novi Sadi dhe Beograd, ku qytetarët u mblodhën pasi mbështetësit e Aleksandar Vuçiq sulmuan protestuesit në Vërbas dhe Baçka Pallanka.
Protestat në Serbi filluan pas tragjedisë më 1 nëntor 2024, kur shembja e një tendë në stacionin hekurudhor të Novi Sadit mori 16 jetë. Pothuajse një vit më vonë, përshkallëzime të tilla sugjerojnë gjithashtu se regjimi ka vendosur të përdorë forcën kundër protestuesve gjithnjë e më shpesh./Indeksonline/
