Një rast shqetësues është raportuar në Fushë Kosovë, ku një i mitur është zhdukur që nga pasditja e së premtes dhe ende nuk dihet asgjë për vendndodhjen e tij.
Sinjali mëson se rasti është paraqitur në Stacionin Policor të Fushë Kosovës nga nëna e tij, Lidvane Gashi, e cila ka deklaruar se më 5 shtator, rreth orës 16:00, djali i saj V.Z. ka dalë nga banesa në rrugën “Tahir Zemaj”, përballë shkollës “Daut Bugujevci”, dhe nuk është kthyer më.
Sipas saj, rreth orës 21:00 ka tentuar ta kontaktojë në numrin e tij të telefonit, por nuk ka marrë përgjigje.
Po ashtu, edhe familjarët, shokët dhe shoqet e tij nuk kanë pasur informacione mbi vendndodhjen e 12-vjeçarit.
Me urdhër të Prokurores kujdestare për të Mitur, rasti është iniciuar si “Person i zhdukur”, ndërsa Policia ka nisur hetimet për ta gjetur.
Apelohet që kushdo që ka informacione mbi vendndodhjen e të miturit të kontaktojë menjëherë Policinë e Kosovës ose familjen në numrin e telefonit të lartcekur.
