Avokati Tomë Gashi në një reagim të ashpër politik, tha se Lista Serbe përfaqëson vazhdimësinë e politikave të Aleksandar Vuçiçit dhe trashëgiminë e Millosheviqit.
Ai u bëri thirrje deputetëve të Kosovës që të mos i japin Listës Serbe fuqi vetoje, me arsyetimin se kjo do ta rrezikonte pavarësinë e Kosovës dhe do të forconte ndikimin e Beogradit në institucionet e vendit.
Postimi i plotë:
Lista Serbe = Vuçiçi = Millosheviqi = Radoiçiçi
Të gjithë deputetët e Republikës së Kosovës e dinë, por pak e thonë:
Lista Serbe është kanceri i shtetit të Kosovës.
Lista Serbe është e Vuçiçit dhe Vuçiçi është pasardhës i Millosheviqit.
O shqiptarë, o deputetë të Parlamentit!
Nëse jeni për shtet e jo vetëm për pushtet, mos ia jepni Listës Serbe të Beogradit fuqinë me pas veto për të vendosur për shtetin tonë, sepse ata qëllimin e vetëm e kanë që Serbia prapë të na okupojë.
Mos e bëni me pushtet të vetos Listën kriminale serbe, mos e forconi e stimuloni helmin e pavarësisë sonë.
