Sot, Qendra Kryesore e Mjekësisë Familjare (QKMF) në Podujevë është pajisur me një autoambulancë të re, e dhuruar nga Ministria e Shëndetësisë e Republikës së Kosovës. Kjo mbështetje e rëndësishme vjen si pjesë e përpjekjeve për përmirësimin e infrastrukturës shëndetësore dhe ofrimin e shërbimeve më cilësore për qytetarët.
Autoambulanca e re do të mundësojë reagim më të shpejtë dhe efikas në rastet emergjente, duke ndikuar drejtpërdrejt në përmirësimin e sigurisë dhe cilësisë së kujdesit shëndetësor për banorët e komunës së Podujevës dhe rrethinës.
Drejtoria për Shëndetësi dhe Mirëqenie Sociale në Komunën e Podujevës ka falënderuar Ministrinë e Shëndetësisë për këtë donacion, duke theksuar se investime të tilla janë jetike për forcimin e sistemit shëndetësor lokal.
