Podujeva do të bëhet me Park Bujqësor, që është i pari i këtij lloji në nivel vend. Ky projekt në vlerë prej 1.4 milionë euro ka nisur të ndërtohet sot në fshatin Sfeçël.
Në ceremoninë e vendosjes së gurthemelit mori pjesë kryetari i Komunës, Shpejtim Bulliqi, deputetë, drejtorë e zyrtarë komunalë dhe banorë.
Kryetari Bulliqi theksoi se me këtë park do të krijohen kushte moderne për zhvillimin e sektorit të bujqësisë.
“Ky park bujqësor do të shtrihet në një sipërfaqe prej 6 hektarësh, ku do të ndërtohen serra me madhësi të ndryshme për kultivimin e kulturave të llojllojshme bujqësore, duke krijuar kushte moderne për prodhim, zhvillim dhe inovacion në sektorin bujqësor”, theksoi kryetari Bulliqi.
Kryetari i ka falënderuar përfaqësuesit e Organizatës “Qatar Charity”, të cilët e kanë financuar hartimin e këtij projekti.
09.10.2025, Podujevë
