Podujevë: Shtetasi gjerman pranon Islamin në selinë e KBI-së Në selinë e Këshillit të Bashkësisë Islame në Podujevë, u mbajt një ceremoni me rastin e pranimit të fesë islame nga shtetasi gjerman z. Hetz. Pas një periudhe hulumtimi të thelluar dhe leximi në literaturë rreth Islamit, z. Hetz vendosi me bindje të plotë që t’i përkushtohet kësaj feje fisnike. Në ceremoninë e organizuar në ambientet e KBI-Podujevë, ai shqiptoi shehadetin në prani të dëshmitarëve, duke shprehur kështu besimin dhe përkushtimin e tij ndaj Islamit. Me këtë rast, kryetari i KBI-së, Mensur ef. Hoti, e përgëzoi për vendimin e tij të sinqertë dhe i shpjegoi atij rreth parimeve themelore të besimit islam. Pas shqiptimit të shehadetit, z. Hetz bëri dua, duke falënderuar Zotin për udhëzimin dhe paqen shpirtërore që kishte gjetur.
