Një shtetas i huaj është arrestuar të hënën në Prishtinë nën dyshimin se ka kryer veprën “krim i organizuar”.
Sipas Policisë, ai kishte edhe urdhër-arrest të lëshuar nga shteti i Suedisë.
ADVERTISEMENT
Gjatë kontrollit në shtëpinë ku ishte duke banuar i dyshuari në lagjen “Marigona”, në cilësi të provave materiale janë sekuestruar 52.480 euro para të gatshme, një letërnjoftim i falsifikuar, një patentë shoferi i falsifikuar, 3 telefona celularë, një orë rolex, dy DVR të kamerave dhe një veturë.
I dyshuari me vendim të prokurorit është dërguar në mbajtje.
