Në 27-vjetorin e vrasjes, kryetari Shpejtim Bulliqi ka kujtuar me nderim dhe respekt veprimtarin Enver Maloku, duke e cilësuar atë si një nga figurat më të rëndësishme të angazhimit politik dhe informativ në vitet më të vështira për Kosovën.
Bulliqi ka theksuar se Enver Maloku ishte bashkëpunëtor i ngushtë i Presidentit Dr. Ibrahim Rugova dhe se kontributi i tij ishte i çmuar në ndërtimin dhe fuqizimin e rezistencës paqësore. Gjatë viteve ’90, Maloku udhëhoqi Qendrën për Informim të Kosovës, duke e shndërruar atë në një burim kyç informacioni për qytetarët e Kosovës dhe për opinionin ndërkombëtar.
“S me përkushtimin, guximin dhe vizionin e tij, Enver Maloku la gjurmë të pashlyeshme në historinë e përpjekjeve tona për liri dhe pavarësi,” ka theksuar Bulliqi.
Në fund, ai ka shprehur nderime të veçanta për jetën dhe veprën e Enver Malokut.
