Me ftesë të Kryetarit të qytetit të Koprivnicës në Kroaci, Kryetari i Komunës së Podujevës, Shpejtim Bulliqi, së bashku me zyrtarë të ekzekutivit komunal, po qëndron në një vizitë zyrtare në këtë shtet mik.
Gjatë ditës së sotme, delegacioni nga Podujeva zhvilloi një takim në Prefekturën e Koprivnicës dhe Križevcit, ku u prit nga Kryetari i Prefekturës, z. Tomislav Golubić, dhe Nënkryetari, z. Mario Rajn, së bashku me bashkëpunëtorët e tyre.
Në këtë takim u diskutuan mundësitë konkrete të bashkëpunimit ndërmjet dy komunave, si në nivel lokal ashtu edhe rajonal, duke u fokusuar në shkëmbimin e përvojave, forcimin e partneritetit institucional dhe realizimin e projekteve të përbashkëta në fusha me interes të ndërsjellë.
Kryetari Bulliqi vlerësoi mikpritjen dhe gatishmërinë e palës kroate për bashkëpunim, ndërsa të dyja palët u dakorduan që ky bashkëpunim të vazhdojë dhe të thellohet edhe më tej në të ardhmen, në funksion të zhvillimit lokal dhe përfitimit të qytetarëve të Podujevës dhe Koprivnicës.
