Deputeti i Kuvendit të Kosovës, Besnik Tahiri, ka zhvilluar një takim me kongresistin amerikan Keith Self në Shtetet e Bashkuara të Amerikës, ku është diskutuar për marrëdhëniet mes Kosovës dhe SHBA-ve, si dhe mbështetjen amerikane për të ardhmen euro-atlantike të vendit.
Tahiri e cilësoi takimin si frymëzues, duke vlerësuar kontributin dhe përkushtimin e kongresistit Self, i cili ka shërbyer si në Ushtrinë e SHBA-ve ashtu edhe në Dhomën e Përfaqësuesve. Ai shprehu mirënjohje për mbështetjen e vazhdueshme të kongresistit për Kosovën dhe për partneritetin e fortë ndërmjet dy vendeve.
Gjatë takimit, u theksua rëndësia e thellimit të bashkëpunimit Kosovë-SHBA dhe mbështetja për aspiratën e Kosovës për anëtarësim në NATO, si një hap i rëndësishëm për sigurinë dhe stabilitetin e vendit.
Kosova dhe Shtetet e Bashkuara vazhdojnë të ruajnë një partneritet strategjik, me mbështetje të vazhdueshme amerikane në proceset demokratike dhe integruese të Kosovës.
https://x.com/besnik_tahiri/status/2019882134370939064?s=46&t=fgbsGCXaFJWYaLrntapdTg
