Me moton “nata kur qielli ndriçon tokën”, e në një atmosferë të veçantë shpirtërore, Këshilli i Bashkësisë Islame në Podujevë organizoi manifestim me rastin e Natës së Kadrit.
Aktiviteti në fjalë mblodhi numër të madh besimtarësh, mysafirësh dhe personalitetesh nga struktura të ndryshme shoqërore, duke e mbushur sallën përplot dhe duke krijuar një atmosferë të ngrohtë reflektimi e përjetimi shpirtëror.
Programi nisi me lexim të ajeteve kuranore ga hoxhë Amir Koliqi, ndërsa të pranishmit i përshëndeti me një fjalë rasti kryetari i Këshillit, Mensur ef Hoti
Pika qendrore e manifestimit ishte ligjërata e myftiut të Shkupit, Qenan ef Ismaili, i cili me një qasje të thellë, të përmbajtshme e inspiruese trajtoi madhështinë dhe mesazhin e kësaj nate të bekuar, duke lënë mbresa të veçanta te të pranishmit.
Programi u begatua edhe me ilahi nga hoxhë Xhevat Maçastena, poezi nga Esra Arbanashi, interpretim artistik nga artidti Ismet Azemi, si dhe monolog nga Xheneta Gervalla. Të gjitha këto i dhanë manifestimit një dimension të veçantë artistik dhe emocional.
Ishin çaste të begata dhe mbresëlënëse, që pa dyshim do të mbetet gjatë në kujtesën e pjesëmarrësve.
