Kryeministri në detyrë i Kosovës Albin Kurti ka thënë se partitë politike kanë afat deri më 12 maj për dorëzimin e listave të kandidatëve për zgjedhjet e 7 qershorit.
Ai ka deklaruar se para dorëzimit të listës së kandidatëve do të mbajnë mbledhjen e Këshillit të Përgjithshëm të LVV-së.
“Sa i përket zgjedhjeve të ardhshme natyrisht ju e dini që data është caktuar 7 qershori dhe kjo ka imponuar që deri më datën 12 maj ne ti dorëzojmë listat e kandidatëve tonë për deputet, pra i kemi edhe pesë ditë, do të kemi mbledhje të Këshillit të Përgjithshëm të Lëvizjes Vetëvendosje, do të kemi ndoshta edh ja dy mbledhje të kryesisë së LVV-së deri atëherë unë nuk mund të flas për emra, për ajo që e di është që ne jemi duke e zbatuar programin dhe zotimet tona me të cilat i kemi fituar zgjedhjet e 28 dhjetorit dhe 28 dhjetori nuk ishte para pesë vjetëve, por i bie para katër muajve, rrjedhimisht nuk mund të themi që kemi një situatë krejtësisht të re. Kemi zgjedhje të përsëritura që nuk ka qenë e thënë të mbahen, mirëpo meqë bojkotoi opozita, meqë nuk dëshiroi të jetë as minimalisht konstruktive ja po shkojmë edhe njëherë drejt 7 qershorit për ta përsëritur e tejkaluar 28 dhjetorin”, ka deklaruar Kurti.
Kurti, ka deklaruar se qytetarët janë ata që vendosin për pushtetin politik në vend dhe jo liderët partiakë apo pretendentët për poste të caktuara, derisa ka rikujtuar rezultatin e zgjedhjeve të 21 dhjetorit, ku sipas tij, Lëvizja Vetëvendosje mori 51.1 për qind të votave.
