Sot është mbajtur Provimi i Maturës Shtetërore në 55 qendra testimi në të gjithë Kosovën.
Ministria e Arsimit ka bërë të ditur se gjatë procesit të testimit janë përjashtuar 18 nxënës, pasi janë zënë duke përdorur telefona , çka përbën shkelje të rregullave të përcaktuara për administrimin e provimit.
Për këtë afat, përmes platformës eKosova kanë aplikuar gjithsej 5,033 kandidatë, ndërsa pas verifikimit janë aprovuar 4,967 aplikime.
Testimi ka nisur në orën 10:00, sipas planifikimit dhe procedurave të përcaktuara nga institucionet përgjegjëse.
ADVERTISEMENT
Ministria ka bërë të ditur se procesi është zhvilluar në të gjitha qendrat e parapara për mbajtjen e Provimit të Maturës Shtetërore.
