Aksident pranë dy shkollave në Podujevë

Një aksident trafiku ka ndodhur sot në Podujevë, në zonën mes shkollave fillore “Naim Frashëri” dhe “Shaban Shala”.

Aksidenti ka ndodhur rreth 20 metra larg shkollës, në një rrugë që gjatë ditës frekuentohet nga qindra nxënës.

Në aksident janë përfshirë dy vetura, të cilat kanë pësuar dëme materiale. Për momentin nuk ka informacione të konfirmuara nëse ka persona të lënduar.

Duke pasur parasysh afërsinë me shkollat dhe numrin e madh të fëmijëve që kalojnë çdo ditë në këtë pjesë, kujdesi i shtuar i drejtuesve të automjeteve mbetet shumë i rëndësishëm, veçanërisht gjatë orarit të mësimit.

Shkaqet e aksidentit ende nuk dihen.