Komisioni Qendror i Zgjedhjeve (KQZ) ka nënshkruar kontratë për sigurimin fizik të Qendrës së Numërimit dhe Rezultateve (QNR) dhe objekteve të KQZ-së, për një periudhë trevjeçare.
Sipas njoftimit zyrtar për nënshkrimin e kontratës, aktiviteti i prokurimit është zhvilluar përmes procedurës së hapur, ndërsa kriteri për dhënien e kontratës ka qenë çmimi më i ulët, shkruan IndeksOnline.
Kontrata, e nënshkruar më 31 gusht 2026, i është dhënë kompanisë “MEB” L.L.C., me seli në Prizren.
Vlera e përgjithshme e kontratës është 57,517.92 euro, ndërsa kontrata parashikon sigurimin fizik të QNR-së dhe objekteve të KQZ-së për nevoja trevjeçare.
Në këtë proces të prokurimit kishin aplikuar katër tenderues, prej të cilëve tre janë vlerësuar si të përgjegjshëm. Oferta fituese ishte edhe oferta më e ulët e përgjegjshme, ndërsa oferta më e lartë e përgjegjshme kishte vlerën 71,999.78 euro.
Kontrata është financuar nga Buxheti i Konsoliduar i Kosovës, ndërsa dokumenti parasheh që ajo të realizohet pa nënkontraktim./IndeksOnline/
