Ish-kryetari i Prishtinës, Shpend Ahmeti ka reaguar pas letrës së Milan Radojçiqit ku e pranon pjesëmarrjen dhe organizmin e sulmit terrorist në Banjskë të Zveçanit, të dielën e 24 shtatorit.
Ahmeti tha se e tërë letra ishte një përpjekje për ta distancuar presidentin e Serbisë, Aleksandër Vuçiq dhe Listën Serbe nga sulmi.
“Radojçiq e mori përgjegjësinë për sulmin në Banjskë e ku një zyrtar policor u vra. E gjithë letra dukej si një përpjekje për të distancuar Vuçiqin dhe Listën Serbe nga sulmi. Asnjë pendim për vdekjet që shkaktoi”, ka thënë ai.
Më 24 shtator një grup i terroristëve serbë ka sulmuar Policinë e Kosovës, e ku u vra rreshteri Afrim Bunjaku.
Në këtë sulm mbetën të vrarë edhe tre terroristë.
Thread
Radojicic claims responsibility for the attack in Bajske where a police officer was killed. The whole letter sounded like an attempt to distance Vucic and Lista Srpska from the attack. No remorse whatsoever for the deaths that it caused.
— Shpend Ahmeti (@ShpendA) September 29, 2023
