ADVERTISEMENT
Një aksident me pasoja fatale ka ndodhur mbrëmjen e së shtunës në rrugën “Vesli Klark” në Gjakovë, ku një drejtues automjeti ka humbur jetën.
Sipas Policisë, viktima, një mashkull kosovar, ishte duke drejtuar automjetin e tij me targa vendore, kur dyshohet se në një moment ka humbur kontrollin mbi mjetin, duke dalë jashtë rruge, goditur një rrethojë metalike dhe përfunduar në hapësirën e një restoranti.
Në vendin e ngjarjes ka dalë ekipi mjekësor, ku mjeku kujdestar ka konstatuar vdekjen e viktimës. Me urdhër të prokurorit kujdestar, trupi i pajetë është dërguar në Institutin e Mjekësisë Ligjore (IML) për obduksion.
