Sot në orët e mëngjesit ka ndodhur një aksident trafiku me pasoja fatale për një person.
Emergjencën e Spitalit të Përgjithshëm në Pejë ka njoftuar se personi i aksidentuar është sjell në spital pa shenja jete.
“Sot në mëngjes, në Emergjencën e Spitalit të Përgjithshëm në Pejë është sjellë një person i aksidentuar pa shenja jete. Spitali i Përgjithshëm në Pejë shpreh ngushëllimet më të sinqerta për familjen dhe të afërmit e të ndjerit”, është thënë në njoftimin e spitalit.
Kurse, Policia e Kosovës ka treguar se aksidenti ka ndodhur rreth orës 05:20 në rrugën ‘Konferenca e Bujanit’ në Pejë.
Sipas policisë, në këtë aksident ishte e përfshirë një veturë e cila ka goditur shtyllën e ndriçimit rrugorë.
ADVERTISEMENT
