Partia Socialdemokrate (PSD), të enjten mbrëma ka mbajtur një aksion simbolik pranë objektit të ish-Rilindjes në Prishtinë.
Nën moton “Një grusht qershi për kryeministrin”, aktivistët e PSD-së kanë vendosur qershi në hyrje të objektit.
Kryetari i kësaj partie, Dardan Molliqaj, ka thënë se kryeministri i Kosovës, Albin Kurti, tashmë ka pranuar ta formojë Asociacionin e Komunave me Shumicë Serbe.
“Kryeministri tentoi për disa javë rresht që përmes veprimeve të tij nën petkun e kryeministrit rezistent, kinse nuk po lëshon pe. Por ai e ka pranuar planin franko-gjerman plan i cili nuk e ka njohjen”, ka thënë Molliqaj.
“Në atë marrëveshjen e ka pranuar edhe Asociacionin, krejt këto janë në kuadër të qasjes për manipulim të opinionit”, ka vijuar ai.
Molliqaj tutje tha se kryeministri Kurti, është duke i thyer parimet e tij të mëparshme./Dugagjini
