Analisti politik, Xhevdet Pozhari ka thurur lavde për kandidatin e LDK-së për deputet, Visar Hotin.
“Visari Hoti është nga ata personat që, mbi të gjitha, reflektojnë edukatën familjare dhe pozitivitet”, ka shkruar Pozhari.
Duke bërë thirrje për ta votuar Visarin, Pozhari ka shkruar se Hoti i duhet Kosovës.
Postimi i plotë:
Kohë më parë kisha punë deri në Podujevë dhe vetura më pësoi defekt. Automekaniku më tha se rregullimi do të zgjaste disa orë. Nuk kisha zgjidhje tjetër pos të prisja. E, derisa po prisja në një lokal, mu afrua për ndihmë një njeri i edukuar. Pak çaste mu desht ta kuptoja se ishte ish deputeti, Visar Hoti.
Ishte ndoshta deputeti i vetëm që kishte hequr dorë nga të gjitha privilegjet që i takonin pas përfundimit të mandatit. Dhe, ky lajm nuk na kishte ikur asnjërit që merremi me fushën e mediave.
Si ekspert i ekonomisë që është, biseda me të ishte jashtëzakonisht interesante. E shquante qetësia dhe maturia, veçanërisht për tema që jo domosdoshmërish ndanim mendime të njëjta. Visari Hoti është nga ata personat që, mbi të gjitha, reflektojnë edukatën familjare dhe pozitivitet.
Prandaj, aspak nuk u befasova kur lexova se ai ishte i ftuar i posaçëm në ceremoninë e inaugurimit të Presidentit Trump.
Visari garon me nr 65 në listën e LDK-së. Kuadro të tillë i duhen shumë Kosovës.
P.s
E vetmja shije e keqe atë ditë ishte fatura e kripur e automekanikut. Më kujtohet që i thashë: mos i vnove veturës naj pajisje të arit!
