Është arrestuar një person në Podujevë për “Vjedhje të rëndë”.
Policia ka njoftuar se i dyshuari mbrëmë ka depërtuar me forcë brenda një lokali, ku ka vjedhur pije, cigare e gjësende tjera në vlerë prej 400 euro.
I dyshuari është dërguar në mbajtje.
Komunikata e plotë:nga Policia e Kosoves
Sot nga zyrtarët policor të stacionit të Podujevës, është arrestuar një person, për të cilin ekziston dyshimi i arsyeshëm se është përfshirë në një rast të vjedhjes së rëndë.
Personi dyshohet se gjatë natës së kaluar, me forcë kishte depërtuar brenda një lokali , ku ka marrë gjësende (pije, cigare etj, në vlerë rreth 400 euro), është arrestuar, nga ana e policisë.
Pas përfundimit të procedurave të nevojshme policore me vendim të prokurorit, personi i dyshuar i mitur, mashkull, është dërguar në mbajtje.
