Policia belge arrestoi eurodeputeten socialiste greke, Eva Kaili, e cila njëkohësisht është një nga nënkryetaret e Parlamentit Evropian, pas hetimeve nga autoritetet belge, për akuzat për korrupsion në katar.
Gazeta belge “Le Soir” raporton se autoritetet kanë kryer kontrolle në banesën e eurodeputetes dhe kanë arrestuar partnerin e saj në lidhje me skandalin.
Sipas me dieve të huaja eurodeputetja socialiste greke, 44-vjeçe u arrestua mbrëmjen e kësaj të premteje nga policia belge, ndërsa Më herët, gjatë ditës së sotme u arrestuan edhe 4 persona të tjerë, mes tyre edhe partneri i Kaili, 53-vjeçari Luca Visentini. Katër arrestimet e mëparshme u njoftuan nga Prokurori federal i Belgjikës.
Hetimet nisën pas zbulimit të 600,000 eurove kesh, në 16 adresa të ndryshme në Bruksel. Prokurorët nuk specifikuan identitetin e të dyshuarve apo shtetin e përfshirë në këtë skandal, duke thënë vetëm se ishte një shtet i ‘Gjirit’.
