Në Kosovë kanë arritur edhe katër gazetarë afganë.
Lajmin e ka bërë të ditur Asociacioni i Gazetarëve të Kosovës, ku tha se katër gazetarët janë Amina Omid, Ahmad Shaker, Nimatullah Gholami dhe Raifullah Nikzad.
Katër gazetarët kanë ardhur në kuadër të programit “Jorunalists in Residence – Kosovo”, shkruan Reporteri.net.
“Kolegët afganë u mirëpritën në aeroport nga Kryetari i Bordit të AGK-së, Xhemajl Rexha, Drejtorja Ekzekutive e AGK-së, Getoarbë Mulliqi Bojaj, Zyrtarja Ligjore e ECPMF-së, Flutura Kusari, përfaqësuesi i MPB-së, Kushtrim Nreci dhe zyrtarë të Policisë së Kosovës”.
“Gazetarët afganë u mirëpritën një muaj pas vendimit të Qeverisë për strehimin e tyre në Kosovë. Gazetarëve do t’u sigurohet strehim, pagë mujore, sigurim shëndetësor dhe biletë kthimi, kur rrethanat të krijohen që ata të kthehen në shtëpitë e tyre”, thuhet në njoftimin e AGK-së, përcjell Reporteri.net.
