Deputetja nga radhët e Lidhjes Demokratike të Kosovës, Hykmete Bajrami ka kritikuar Qeverinë Kurti për shpenzimet gjatë katër viteve të tyre qeverisje.
Sipas Bajramit për katër vite janë shpenzuar 12 miliardë euor, dhe zero rezultate.
“Katër vite qeverisje, 12 miliardë euro të shpenzuara, ZERO rezultate”, shkroi ajo, raporton GazetaBlic.
Ajo tha se sot pyetjet e qytetarëve dhe jo vetëm të atyre që ju mbështetën me 14 shkurt të vitit 2021, por edhe të të gjithë të tjerëve që paguajnë tatime e taksa në buxhetin e Republikës së Kosovës janë se çka ndodhi me premtimet dhe zotimet e juaja mbi bazën e të cilave ju fituat votat në zgjedhjet e kaluara?
Bajrami rikujtoji edhe premtimin e LVV-së për lirimin e produkteve bazike.“Çka ka ndodhë me premtimin që me LVV-në në pushtet do të lirohet buka, vaj, qumështi, sheqeri e krejt shporta bazë e konsumit, çka ndodhi me: Uljen e çmimit të energjisë elektrike, 160 çerdhe , 4000 banesa për të rinjtë, 5 shtëpi për të moshuarit,Sigurimet shëndetësore,Arsim më të mirë,Punësim dhe kthim të trurit, Integrime euroatlantike, Luftë kundër korrupsionit dhe nepotizmit, Infrastrukturë moderne, Etj.etj…”, u shpreh ajo.
Tutje, Bajrmai pyei se ku jemi sot pas katër viteve?
“Gjatë katër viteve mandat qeverisës të LVV-së ka ndodhë e kundërta e asaj çka është premtu, fiks e kundërta: çerdhet nuk janë ndërtu, as shtepitë për të moshuarit, as 4000 mijë banesat për qiftet e reja, çmimi i rrymës është dyfishu, janë dyfishu çmimet e artikujve ushqimor, deri me sot nuk është përfundu asnjë projekt i madh infrastrukuror, as ato që në fillim të mandatit të tyre kanë qënë në gjysmë, ka ikje masive të fuqisë puntore, është shkelë Kushtetuta mbi dhjetë herë, ndërsa arsimi po rrënohet, nuk ka integrime euroatlantike, kem i hyrë në vitin e dytë nën sanksione të Bashkësisë Evropiane, asnjë njohje, asnjë antarësim, ka korrupcion dhe nepotizëm në secilin institucion”, kritikoi Bajrami.
“Këto janë fakte, kjo është gjendja socio-ekonomike dhe politike në vendin tonë, nën qeverisjen Kurti II, andaj edhe porositja e sondazheve është i vetmi ”rezultat” që qeveria mund ta ketë.
Qytetarët nuk harrojnë 4 vitet e humbura, nuk i gënjeni dot me sondazhe. Edhe njëherë po e përseris se sondazhet e porositura edhe mund të ju nxjerrin ”fitues”, por qytetarët e vendit e kanë jetuar të vërtetën, atë nuk e ndryshon asnjë sondazh”, tha ndër të tjera ajo.
