Ka filluar restaurimi i objektit me vlera të trashëgimisë kulturore në fshatin Sfeçël
Drejtoria për Kulturë, Rini dhe Sport ka filluar me restaurimin dhe konzervimin e objekteve me vlera të trashëgimisë kulturore, ndër to është edhe objekti i shkollës së vjetër “Ali Ajeti” në fshatin Sfeçël. Fillimin e punimeve në këtë objekt e ka përcjellur nga afër drejtori i kësaj drejtorie, Pajtim Balaj.
Në kuadër të planit për restaurimin e objekteve me vlera të trashëgimisë kulturore, synohet që të ruhet origjinaliteti dhe të funksionalizohen hapësirat e tyre, me qëllim të shfrytëzimit nga komuniteti.
Restaurimi i objektit të shkollës së vjetër në fshatin Sfeçël përfshinë: ndërrimin e pullazeve, rregullimin e ollukëve, ndërrimin e dyerve dhe dritareve dhe gëlqerosjen e mureve.
Drejtori Balaj njoftoi se DKRS do të vazhdojë me investime të tjera në mbrojtjen dhe restaurimin e objekteve me vlera të trashëgimisë kulturore.
15.11.2022, Podujevë
Zyra për Marrëdhënie me Publikun dhe Informim
