Barrikadat e vendosura nga dita e djeshme në pjesën veriore të vendit, konkretisht në fshatin Rudarë, ka gjasa të hiqen në 48 orët e ardhshme, raporton Syri.net Kosova.
Kështu të paktën është shprehur eksperti I sigurisë, Drizan Shala përmes një prononcimi për Syri.net Kosova.
Situata në veri të vendit është e tensionuar dhe sipas gjitha gjasave bllokadat do të hiqen brenda 48 oreve në vazhdim. Pra në aspektin e sigurisë do të jenë vendimtare se a do t’i tërhjekin këto 6 barikada në orët e mëngjesit të së hënës për të treguar vendoshmeri dhe qendrushmeri shtetrore në shtrim të autoritetit kushtetues në veri të vendit”, është deklaruar Shala.
Madje sipas tij për këtë aksion, institucionet kanë marrë dritën jeshile nga SHBA dhe Britanikët.
“Për një aksion nga PK në veri , institucionet kanë marr driten jeshille nga SHBA dhe Britaniket dhe kjo duhet të analizohet dhe mbi kete mundësi të veprohet”, është shprehur ai.
Kujtojmë se barrikadat u ngritën ditën e djeshme pas arrestimit të një serbi, i cili dyshohet se ka kryer sulmin ndaj KKZ-së në Mitrovicën veriore, ndërkohë që për tërheqjen e menjëhershme të barikadave kanë reaguar edhe ambasadat britanike në Prishtinë e Beograd.
Në bashkërendim me SHBA-në dhe BE-në, ata kërkojnë largimin e barikadave derisa theksojnë që t’i jepet fund të gjitha kërcënimeve e dhunës./Syri.net Kosova
