Kryetrajneri i Llapit, Tahir Batatina ka kritikuar Federatën e Futbollit të Kosovës pas emërimit të trajnerit të ri të Përfaqësueses së Kosovës.
Slloveni Primoz Gliha është emëruar në postin e përzgjedhësit të Përfaqësueses së Kosovës deri në përfundimin e eliminatoreve për Kampionatin Evropian 2024.
Batatina, që ditë më parë shprehu gatishmërinë për t’i drejtuar “Dardanët”, ka shkruar se Kosovës i duhet një lider, pasi nivel të Glihas ishin edhe dy trajnerët e kaluar, Bernard Challandes dhe Alain Giresse.
“Na duhen liderë se trajnerë i kishim dy të këtij niveli. Suksese Kosovë” – ka shkruar Batatina në llogarinë e tij në Facebook.
Primoz Gliha do ta zëvendësojë te Kosova trajnerin francez, Alain Giresse që u shkarkua pas humbjes shokuese në muajin qershor nga Bjellorusia (2:1) në kualifikimet për Kampionatin Evropian.
Gliha te Kosova do të ndihmohet edhe nga dy trajnerët, Afrim Tovërlani dhe Arbnor Morina./Zeri
