Shefi i Grupit Parlamentar i Aleancës për Ardhmërinë e Kosovës (AAK), Besnik Tahiri ka thënë se Buxheti i 2023-së po i dëmton politikisht një pjesë të madhe të komunave.
Tahiri në një konferencë për medie theksoi se është shumë me rëndësi që të procedohet në Kuvend edhe Projektligji i Pagave.
“Për Grupin Parlamentar të Aleancës për Ardhmërinë e Kosovës (AAK) ka rëndësi Ligji për Buxhetin. Buxhet që në esencë është duke e dëmtuar politikisht një pjesë të madhe të komunave”, tha Tahiri.
“Është shumë me interes edhe Ligji i Pagave dhe ligjet vitale të vijnë në Kuvend, e të mos jemi peng i politikës”, ka përfunduar ai, shkruan Telegrafi.
Në fund të muajit tetor, Qeveria e Kosovës ka miratuar Projektligjin për Buxhetin e vitit 2023, i cili pritet të jetë 3.210.200.000 milionë euro.
