Deputeti i Aleanca për Ardhmërinë e Kosovës, Besnik Tahiri, ka ndarë një moment nga iftari i organizuar në familjen e tij, ku u pritën përfaqësues të Bashkësia Islame e Kosovës në Podujevë, miq, familjarë dhe disa diplomatë ndërkombëtarë.
Tahiri bëri të ditur se iftari u shtrua nga babai i tij, Ruzhdiu, duke ruajtur traditën e mikpritjes së Llapit. Në këtë iftar morën pjesë kryetari i Bashkësisë Islame në Podujevë, Mensur Dibran Hoti, bashkë me bashkëpunëtorë dhe mysafirë të tjerë.
Sipas Tahirit, ishte nder i veçantë që në këtë iftar morën pjesë edhe miq diplomatë, të cilët patën mundësi të njihen nga afër me traditën dhe mikpritjen llapjane.
“Porosia e babës Ruzhdi ishte e thjeshtë: ‘Shtëpia e shqiptarit është e Zotit dhe e mikut’”, ka shkruar Tahiri, duke falënderuar të gjithë mysafirët për nderin dhe respektin.
