Shefi i diplomacisë evropiane (BE), Josep Borrell ka folur pas takimit me Kurtin dhe Vuçiqin në Ohër. Ai ka thënë se palët janë pajtuar që të zbatojnë të gjitha pikat e marrëveshjes.
“Palët janë angazhuar plotësisht për zbatimin e aneksit të marrëveshjes për rrugën drejt normalizimit të marrëdhënieve ndërmjet Kosovës dhe Serbisë. Si pjesë e këtij aneksi, palët janë zotuar plotësisht të respektojnë të gjitha nenet e marrëveshjes dhe të zbatojnë detyrimet përkatëse,”- është shprehur Borrell.
“Ne e kemi pasë një ditë të gjatë. Dhe dua të shpreh mirënjohjen e sinqertë për miqtë tanë në Maqedoni. Në këtë Ohër të bukur. Ishte një pamje fantastike nga dritare. Falemnderit, dhe do të vijmë prapë. A e dini se objektivi sot ishte për Kosovën dhe Serbinë ishte se si ta implementonin marrëveshjen e arritur më 27 shkurt në Bruksel? Marrëveshja u arrit më 27 shkurt. Sot çështja ishte se si të zbatohej. Shpesh thuhet që dreqi është në detaje. Nganjëherë dreqi është në kalendar. Më duhet të njoftoj se Kosova dhe Serbia janë pajtuar për aneksin e marrëveshjes…”
Tutje ai ka thënë se Kosova është pajtuar që të fillojë menjëherë “për të siguruar një nivel të mirëfilltë të vet-menaxhimit të komunitetit serb në Kosovë”
“Kosova është pajtuar të filloj menjëherë, kur them menjëherë e nënkuptoj që menjëherë do të aranzhoj, rregullimet për të siguruar një nivel të mirëfilltë të vet-menaxhimit të komunitetit serb në Kosovë,”- ka thënë ai.
