Sot, për nder të policit të rënë në detyrë, Afrim Bunjakut, nga ora 19:00, në Sheshin e Dëshmorëve në Podujevë, OJQ rinore “Escape” organizoi ndezjen e qirinjve.
I pranishëm ishte edhe kryetari i Komunës së Podujevës, Shpejtim Bulliqi.
Bulliqi ndër të tjera shkroi: “Kjo ditë ishte e kobshme për mbarë vendin, pasiqë Policia e Kosovës humbi një pjesëtar të rëndësishëm të saj, Kosova një qytetar shembullor, ndërsa familja më të dashurin e saj.”
Postimi i Plot:
Me bashkëqytetarë nga Llapi kemi ndezur qirinj në nderim të sakrificës së heroit Afrim Bunjaku, i cili ra në krye të detyrës duke mbrojtur sovranitetin dhe integritetin territorial të Kosovës.
Kjo ditë ishte e kobshme për mbarë vendin, pasiqë Policia e Kosovës humbi një pjesëtar të rëndësishëm të saj, Kosova një qytetar shembullor, ndërsa familja më të dashurin e saj.
Ndajmë dhimbjen me familjen Bunjaku, Policinë e Kosovës dhe mbarë popullin e Kosovës!
Lavdi jetës dhe veprës së Afrim Bunjakut!
Respekt angazhimit të gjithë pjesëtarëve të Policisë së Kosovës!
