Me pikëllim është pranuar lajmi për ndarjen nga jeta të mamisë së njohur llapjane, Sanije Topanica, e cila la gjurmë të pashlyeshme në historinë e humanizmit dhe përkushtimit ndaj grave në periudhën më të vështirë të viteve 1990-1999.
Shtëpia e zonjës Sanije në Podujevë ishte një strehë shpëtimi për mijëra gra shtatzëna, duke u bërë një pikë mbështetjeje gjatë kohës së okupimit dhe luftës. Me guxim të rrallë, ajo asistoi në lindjen e mbi 180 foshnjeve në kushte të jashtëzakonshme — në ambulantën e fshatit Koliq dhe nën qiellin e hapur në malet e Gollakut.
Sanije Topanica ishte një simbol i pakrahasueshëm i sakrificës dhe guximit, duke ndihmuar në shpëtimin e jetëve dhe duke kontribuar në sjelljen e jetëve të reja në rrethana të pamundura. Kontributi i saj i jashtëzakonshëm do të kujtohet si një shembull i shkëlqyer i humanizmit dhe përkushtimit të palëkundur.
Ngushëllimet më të sinqerta u janë shprehur familjes, miqve dhe gjithë komunitetit shëndetësor, të cilët ndajnë dhimbjen për këtë humbje të madhe. Kujtimi dhe vepra e saj do të jetojnë gjithmonë ndër ne.
Postimi i plotë:
Me pikëllim mora lajmin për ndarjen nga jeta të mamisë llapjane Sanije Topanicës, e cila është e njohur veçanërisht për humanizmin e treguar në kohë lufte duke ndihmuar shumë gra në lindjen e foshnjeve.
Shtëpia e zonjës Sanije në Podujevë ishte adresë e mijëra grave gjatë viteve 1990-1999. Ajo ishte adresë shpëtimi e grave shtatëzëna edhe në kohë lufte duke asistuar në lindjen e mbi 180 foshnjeve në ambulantën e fshatit Koliq dhe nën qiellin e hapur të maleve të Gollakut. Me punën dhe përkushtimin e saj zonja Sanije u bë simbol i humanizmit dhe guximit në kohët më të vështira.
Kontributi i jashtëzakonshëm i saj në shpëtimin e jetëve dhe ndihma ndaj grave në kushte të rënda të asaj kohe do të kujtohet e vlerësohet gjithmonë.
Ju shpreh ngushëllimet më të sinqerta familjes, miqve dhe të gjithë komunitetit shëndetësor!
