Çitaku: Zhgënjyes lajmi për liberalizimin e vizave, ndërlidhja me sistemin ETIAS – pa asnjë lloj kuptimi

Nënkryetarja e PDK-së, Vlora Çitaku e ka quajtur zhgënjyes lajmin se liberalizimi i vizave nuk pritet të bëhet deri më 1 nëntor 2023, shkruan Gazeta Online Reporteri.net.

Përmes një postimi të bërë në Facebook, Çitaku ka thënë se ndërlidhja e këtij procesi me sistemin ETIAS nuk ka asnjë lloj kuptimi.

Ajo gjithashtu ka marrë shembull se si qytetarët e Venezuelës dhe Taiwanit udhëtojnë pa viza në zonën Shengen.

Postimi i plotë:

Zhgënjyes lajmi për procesin e liberalizimit të vizave.

Ndërlidhja e këtij procesi me hyrjen në fuqi të sistemit ETIAS nuk ka asnjë lloj kuptimi, në kohën kur qytetarë nga Venezuela deri në Taiwan udhëtojnë pa viza në zonën Schengen.