Në takimin e rregullt të Kryesisë së Degës së LDK-Podujevë, i njoftova për punëtorinë e mbajtur ditë më parë dhe finalizimin e platformës tonë programore që mbanë emrin “Rruga e re” e që në fokus ka angazhimin e LDK-së, partisë shtetformuese në marrjen e përgjegjësisë dhe ofrimin e aletrnativave që ofrojnë zgjidhje afatgjate për problemet me të cilat përballet vendi.
Po ashtu, në këtë takim, në kuadër të Degës, kemi themeluar gjashtë departamente, përmes të cilave do ta organizojmë edhe më mirë opozitarizmin, duke adresuar problematikat me të cilat përballen qytetarët llapjanë, si pasojë e keqqeverisjes dhe do t’i ofrojmë alternativat tona për secilën fushë qeverisëse.
Në këtë takim zgjodhëm edhe kryesinë e ngushtë të Degës në përbërje; nënkryetarë; Fehmi Zeqiri dhe Blerta Berisha si dhe sekretar, Besim Latifi.
Me trupat që u formuan sot së bashku edhe me asambleistët tanë së shpejti do ta realizojmë një punëtori dy ditore në të cilin do ta formësojmë një Strategji dhe Plan Pune për të gjitha strukturat e Degës.
