Deklarata e Osmanit për njerëz të papërgjegjshëm e të rrezikshëm, Kurti: S’ka përmendur emra, pse po ju shkon mendja te unë

Kreu i LVV-së dhe kryetari i Qeverisë, Albin Kurti, në një konferencë për media nga Prishtina ka folur për zhvillimet e fundit politike. Kurti është pyetur nga gazetarët nëse është i papërgjegjshëm dhe me qëllime të rrezikshme siç ka deklaruar sot presidentja Vjosa Osmani në konferencë.

Kurti ka thënë se Osmani s’ka përmendur emra në konferencë dhe ka pyetur gazetaren se pse po i shkon mendja që Osmani e ka pasur për të.

“Nëse Osmani s’ka folur me emra, s’di pse ju shkon mendja tek unë. Nëse flasim për përshtypje të përgjithshme është tjetër gjë”, ka deklaruar Kurti.

“unë besoj se të papërgjegjshëm mbrëmë kanë qenë ata që kanë munguar”, ka thënë Kurti./Express/