Përfaqësuesi Special i Bashkimit Evropian për dialogun Kosovë-Serbi, Miroslav Lajçak gjatë një takimi me diplomaten zvicerane Livia Leu, ka folur edhe për dialogun mes dy vendeve, shkruan Reporteri.net.
Emisari sllovak e ka cilësuar ngjarje të madhe takimit e 2 majit në Bruksel mes Kryeministrit të Kosovës, Albin Kurti dhe Presidentit të Serbisë, Aleksandar Vuçiq.
Lajçak ka thënë se është i kënaqur që Kurti dhe Vuçiq ranë dakord për Deklaratën për të Zhdukurit.
Sipas përfaqësuesit të BE-së, një gjë e tillë jo vetëm që do t’i ndihmojë familjet e të zhdukurve të gjejnë paqe, por edhe kjo gjë do të ndihmojë në avancimin për normalizim të marrëdhënieve mes Kosovës dhe Serbisë.
“Ngjarja më e madhe e javës ishte padyshim takimi i Dialogut të Nivelit të Lartë i organizuar nga????????HR/VP dhe i ndihmuar nga unë, që u zhvillua të martën e kaluar. Presidenti Vuçiq dhe kryeministri Kurti u takuan në Bruksel për të diskutuar një çështje vendimtare të personave të zhdukur. Jam i kënaqur që të dy udhëheqësit ranë dakord të punojnë së bashku për të sqaruar vendndodhjen e njerëzve që u zhdukën gjatë luftës. Ne mirëpresim miratimin e palëve të deklaratës për personat e zhdukur dhe presim që ato të bëjnë përparim në mbylljen e rasteve të pazgjidhura të personave të zhdukur. Kjo jo vetëm që do t’i ndihmojë familjet e tyre të gjejnë paqe, por edhe do të avancojë normalizimin ndërmjet Kosovës dhe Serbisë.Palët gjithashtu bënë një hap të rëndësishëm dhe simbolik drejt themelimit të Asociacionit/Bashkësisë së komunave me shumicë serbe. Megjithëse drafti i parë i paraqitur nga ekipi drejtues nuk është përfundimtar, ai është një pikënisje e rëndësishme për diskutimet e ardhshme në nivelin e Kryenegociatorëve”, ka thënë Lajçak. /Reporteri.net/|
