Gjatë ditës së sotme është mbajtur seanca me dy pika të rendit të ditës, njëra ndër to është për objektin i cili ishte destinuar që të funksionalizohej spitali i Podujevës,
por ky spital nuk u realizua si projekt duke u anuluar edhe nga ministri Vitia, por që po bëhet përpjekje që në vend të spitalit të themelohet një poliklinikë në vendë të spitalit.
Megjithse pozita po e sheh si të arsyeshëm këtë projekt, opozita është kundër, grupi parlamentar i LDK-së lëshoj seancen me arsyetimin për t’a ndalur shfuqizimin e projektit të spitalit për Podujevën pasi që sipas tyre është një projekt jetik për qytetarët llapjan.
Ndër të tjera ka reaguar edhe Valon Demolli shef grupit të LDK-së në Podujevë:
Të dashur qytetarë të Llapit,
Ju njoftoj se sot bashkë me grupin e këshilltarëve të LDK-së, përkohësisht kemi ndalë pëpjekjen e Qeverisë së Kosovës dhe Komunës së Podujevës për ta anuluar projektin e Spitalit të Podujevës.
Falënderoj të gjithë asambleistët tonë që me fakte treguan për rëndësinë e Spitalit dhe fuqishëm kundërshtuan përpjekjet e dyshes Kurti-Bulliqi për ta lënë qytetarin e Llapit pa Spitalin e domosdoshëm.
Falënderoj edhe qytetarët e Podujevës për mbështetjen në përballje me nje qeverisje arrogante në numra dhe në veprime.
Do të vazhdojmë të angazhohemi fuqishëm dhe do ta përdorim çdo mjet demokratik që ta ndalim këtë padrejtësi që po i bëhet Llapit.
Kjo është një përpjekje e përbashkët për Llapin dhe këtu i ftoj të na mbështesin edhe asambleistët tjerë, qoftë nga opozita dhe pozita.
Qytetarët e Podujevës na kanë votuar për t’i përfaqësuar interesat e tyre dhe asesi të bëhemi pjesë e nismave që kanë për qëllim t’i dëmtojnë qytetarët, sidomos në këtë rast kur në pyetje është shëndeti i tyre.
Këto përpjekje të këtij pushteti do të vazhdojnë, por ne zotohemi se do të jemi gjithmonë në shërbim dhe në mbrojtje të interesit qytetarë.
Me respekt;
Valon Demolli
Grupi i Këshilltarëve të LDK-Podujevë.
